Mercados

Mercado dos domingos

Ribadeo mantén a súa histórica tradición comercial con mercados como o "dos domingos", coñecido así por ter lugar todos os domingos do verán. Ten lugar na Praza de Abastos coa colaboración da Asociación de Produtores da Horta A Sucadoira e é un dos mellores escaparates da zona para os produtos hortícolas. Tamén se pode atopar unha gran variedade de artigos no mercado que se celebra, no mesmo lugar, todos os mércores do ano.

Mercado dos mércores

Na Praza de Abastos celébrase todos os mércores do ano o Mercado dos mércores, onde se poden atopar todo tipo de produtos de primeira calidade.

Mercado de Nadal

Cunha periodicidade anual, sobresae o Mercado de Nadal. Vencellado aos produtos de tempada e agasallos e cunha orixe moi antiga, recuperouse de novo no ano 2003. Ten lugar na ponte da Constitución no parque de San Francisco, onde venden as súas mercadorías diversos artesáns e vendedores de manufacturas e produtos do campo. Conta tamén cunha grande variedade de produtos e de actividades para nenos e maiores.